پڈوبیدرے:15/ستمبر(ایس اؤ نیوز) اُڈپی ضلع کی سرحد کے قریب ہیج ماڑی ٹول گیٹ قومی شاہراہ 66پر ٹینکر ، اسکوٹر کو ٹکر دینے کے نتیجے میں  اسکوٹر سوار جائے وقوع ہی ہلاک ہونے کا واقعہ سنیچر کی شام پیش آیا ہے۔

مہلوک کی شناخت نیجارو کے جئے راج (55) بتائی گئی ہے۔ ٹینکر ڈرائیور بنگلورو کے مکین موہن راج زخمی ہواہے۔ پولس سے ملی جانکاری کے مطابق نیو منگلورو بندرگاہ سے پام آئیل لے کر چلنے والی ٹینکر ائییپا نگر گراس کے قریب پہنچا تو قومی شاہراہ پر ٹینکر ڈرائیور توازن کھوکر ڈیوائیڈر کو  پھلانگ کر ملکی گاؤں کی طرف جانےو الی  اسکوٹر کو ٹکر دی ۔ جس کے نتیجے میں اسکوٹر ، ٹینکر میں پھنس گئی تو اسکوٹر سوار شدید زخمی ہوکر وہیں دم توڑنے کی بات کہی جارہی ہے۔

موصولہ اطلاع کے مطابق ٹینکر پام آئیل لے کر شری رنگا پٹن جارہی تھی ۔ سری رنگا پٹن جانے کے لئے پڈوبیدرے ، کدرے مکھ ، شرنگیری ہوتے ہوئے جانا تھا، مقامی لوگوں کا  کہنا ہے کہ ٹینکر ڈرائیور کے توازن کھونے سے حادثہ ہواہوگا۔ مہلوک جئے راج اس سے قبل بیرون ملک روزگار میں تھا۔ اس کے بعد گاؤں لوٹ کر چھوٹی سی ملازمت کرنےکی بات کہی جارہی ہے۔ مہلوک کے پسماندگان میں بیوی ، دوبیٹے اور ایک بیٹی ہے۔ پڈوبیدرے پولس تھانے میں کیس درج ہواہے۔